هل ضروري أكون خريج عشان أطلع إقامة عمل من بورتسودان؟ 🤷♂️
سؤال متردد علينا كتير وان شاء الله في البوست دا تتحصلو على اجابتكم
تابع 📌
1️⃣ المهن العمالية البسيطة
زي: عامل ورشة، تحميل وتنزيل، عامل إنشاءات، سائق...
ما مطلوب منك شهادة جامعية، لكن المهم:
– مهنتك في التأشيرة تطابق الشغل الفعلي
– تعمل الفحص الطبي في معمل معتمد
– تطلع الفيش الجنائي برقمك الوطني
– ولو مهنتك "سائق خاص"، لازم تكون عندك رخصة سارية
2️⃣ المهن المهنية (الصنايعية)
زي: سباك، كهربائي، نجار، ميكانيكي...
القنصلية بتركز على:
– وجود شهادة خبرة في نفس المجال
– عقد العمل يكون موثق
– السجل التجاري للشركة يكون متطابق مع المهنة في التأشيرة
3️⃣ المهن العليا والطبية
زي: مهندس، طبيب، صيدلي، تمريض...
دي بتحتاج:
– شهادات جامعية موثقة من التعليم العالي والخارجية
– مصادقة أو داتا فلو حسب التخصص
– اعتماد مهني من الهيئة السعودية للتخصصات أو الجهة المعنية
يعني المسألة ما بس إنك خريج أو لا، المهم تمشي في الطريق المناسب حسب مهنتك، وتجهز كل أوراقك قبل تمشي مركز تاشير في بورتسودان للبصمة والفحص والفيش.
